काठमाडौं– ग्लोबल आइएमई बैंकको पहिलो त्रैमासको नाफा २ अर्ब नजिक पुगेको छ । बैंकले पहिलो तीन महिनाको अपरिष्कृत वित्तीय विवरण सार्वजनिक गर्दै १ अर्ब ८५ करोडको नाफा देखाएको हो ।

यो गत आर्थिक वर्षभन्दा २२.९२ प्रतिशत बढी हो। गत आर्थिक वर्षको सोही अवधिमा बैंकले १ अर्ब ५१ करोड खुद नाफा कमाएको थियो।

त्यस्तै बैंकको कुल सञ्चालन आम्दानी समीक्षा अवधिमा ५.३६ प्रतिशत बढेको छ भने सञ्चालन मुनाफा १०.४४ प्रतिशत बढेको छ।

चालु आवको पहिलो त्रैमासमा बैंकको खुद ब्याज आम्दानी पछि बढेको छ। ०.३४ प्रतिशत र खुद फि तथा कमिशन आम्दानी २.६२ प्रतिशत बढेको हो

पहिलो त्रैमासको मुनाफाबाट बैंकको लगानीकर्तालाई दिन सक्ने लाभांश क्षमता पनि प्रतिकित्ता २२ रुपैयँ ९५ पैसा पुगेको छ ।